SA nagkadaghang musikero ug songwriters sa Mindanao, naglaraw nga magpahigayon sa 1st Mindanao Popular Music Festival (MinPop).
Isip opening salvo sa umaabot nga musical event sa rehiyon, may serye sa libre nga songwriting workshops sa piling area sa Mindanao nga parte sa promotional activities.
Kabahin niini, ang unang leg sa MinPop Bootcamp himuon sa Davao sa Muzic’s Kool, Hunyo 15, gikan 1-5 p.m.
Ang application process sa Davao songwriting bootcamp nagsugod, Mayo 25, 2019.
Mga interesado nga aplikante sa MinPop Bootcamp Davao angay mag-andam og duha ka minuto nga video diin tubagon nila ang pangutana nga: “Why should you become part of the MinPop Bootcamp?” (1 minute).
I-apil sab nila ang ilang video performance o cover sa usa ka OPM song (1 minute).
Sa pag-aplay sa MinPop Bootcamp Davao, duaw lang sa MinPop website, minpop.com.ph sugod Mayo 25, ug i-fill up ang online application form.
Ang video i-upload sab sa page.
Deadline sa pagsumite og aplikasyon, Hunyo 5, 2019, 11:59 p.m.
Singkwenta ka slots ang buksan sa interesadong partisipante.
Ang announcement sa final 50 participants ipaguwa sa June 10, 2019 pinaagi sa MinPop Facebook page (facebook.com/MindanaoPop).
Pinaagi sa workshops, mga partisipante lauman nga makadawat sa “basic to intermediate knowledge” sa nagkadaiyang pamaagi sa songwriting, lectures ug training modules sa mga tools and techniques sa songwriting. (PR)