DEAR Heartline,
Tawaga lang ko sa pangalan nga BJ, 25 years old, taga Panabo.
Usa ko ka gay. Nagtrabaho ko sa pinakadako nga kompanya sa bus diri sa Davao.
Akong problema Heartline naa koy uyab na guy usa pud siya ka army nga na-assign sa Comval.
Nabalaka ko ani kay gihilum namu ni. Tungod sa among trabaho ug sa akong parents pud.
Unsa man ang akong buhaton ani, gusto nako na makabalo na akong parents, mahadlok ko basin masuko sila. Palihug tambagi ko.
BJ 0936
***
Hi BJ,
Sa giingon pa nga 'the truth will set you free' in time, sa perfect timing ma okay ra ang tanan.
Yes, bisan pa man og sa hinay-hinay duna nay nagagawas nga mga same-sex couples, apan, anaa gihapon ang judgemental nga panan-aw sa uban.
Di kalikayan nga moreak ang imong ginikanan, wa kay mabuhat niini, tungod kini ilang opinyon.
Instead nga you argue with them, respect their opinion.
Sa hinay-hinay, be open to your family sa imong pagkatawo.
Listen to them, be open sa ilang isulti.
Kung makadesidar na gyud mong mo-open up, then angay nga andam na sab kamo sa unsa mang madungog ninyo gikan sa uban.
Angay nga sayud ug andam mo daan sa mga consequences.
Basta ako, asa ka malipayon, I give my thumbs up.
As long as wa kay tawo nga napasakitan o mapasakitan, continue to love and fall in love.
Heartline