KIDAPAWAN CITY -- Nagpasidaan ang Police Regional Office (PRO-12) sa publiko nga mag-amping ug susihon ang mga nagkatag nga mga investment schemes sa Soccsksargen.
Kini ang giluhatan ni Lieutenant Colonel Andrin Gonzales ang tigpamaba sa PRO-12.
Giangkon ni Gonzales bisan daghan na ang migawas nga mga investment schemes sa Rehiyon 12, wala pa'y mahimo nga lakang ang kapulisan gumikan walay nagreklamo sa ilang buhatan nga nabiktima sa scam.
Daghang na-monitor ang kapulisan nga miapil sa nagkadaiyang investment schemes nga gusto sab nga mamuhunan og dako ang balik sa interes sa ilang kuwarta.
Gikanayon ni Gonzales nga mas importante nga mahibaluan kung unsa ang proseso ug paunsa makahatag sa dakong interes sa kuwarta sa gisudlan nga investment schemes.
Nakasang-at na sab og kaso ang PNP-12 batok sa Police Paluwagan Movement gumikan sa daghang reklamo nga ilang nadawat.
Gihulat na lamang sa PRO-12 ang mando sa Department of Interior and Local Government ug ang desisyon sa korte kabahin sa direktiba sa Security and Exchange Commission sa mga investment scheme nga naghitak sa Mindanao. (Edgar Fuerzas)