Multa sa manigarilyo, gipatas-an

DUNAY plano nga patas-an ang multa sa bisan kinsa nga manigarilyo sa pampubliko nga lugar sa Davao City.

Kini ang gibutyag ni Dr. Ashley Lopez, head sa Vices Regulation Unit (VRU) aron nga mas magmatngon ang publiko ug di na manigarilyo.

Sa gipatuman nga City Ordinance number 0367-12 kun The New Comprehensive Anti-Smoking Ordinance of Davao City, maka multa og P1,500 sa unang opensa, P2,500 sa ikaduha samtang sa ikatulo, maka multa og P5,000.

Subay sa giduso nga bag-ong multa, mamahimong P2,000 na ang unang opensa, P3,000 sa ikaduha, ug P5,000 sa ikatulo.

Gitin-aw sa opisyal nga wala kini eksimsyon, diin 24-oras kining ipatuman sa Davao City.

Karong Mayo 31, 2019 mao ang ika-17 ka tuig sa maong ordinansa gikan sa pagkamugna niini. (RFN)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph