NANINGKAMOT karon ang buhatan sa City Health Office (CHO) sa Davao City nga di na madugangan ang ihap sa kaso sa dengue.
Subay sa talaan sa CHO gikan Enero 1 hangtud sa Mayo 16, 2018 dunay natala nga 509 ka mga biktima samtang karong tuiga anaa sa 1,039 ang nataptan niini.
Ang maong ihap halos midoble ug halos mag-triple lukop Davao Region itandi niadtong milabay nga tuig sa susamang petsa nga dunay 1,050 sa 2018 samtang 4,468 dengue cases sa 2019.
Ning tuig usa na ang namatay hinungdan nga mas gipakusgan karon ang dengue awareness campaign sa maong buhatan.
Ang CHO nag-awhag sa katawhan nga kanunayong ipatuman ang dengue 4S habit nga “Search and Destroy” mosquito breeding places, “Secure Self Protection” gikan mosquito bite, “Seek Early Consultation” kon makitaan og sentomas sa dengue, ug “Say Yes to Fogging.”
Giingon sa CHO, di suma kini alarming ang maong ihap, apan gikinahanglan ngari ang pag-edukar sa katawhan aron malikayan ang maong balatian nga gikan sa lamok. (RFN)