“MURA mi og naputlan og ulo.”
Mao kini ang paghulagway ni Lawaan 3 Barangay Councilor Bernard Labalan atol sa paglubong ni Barangay Kapitan Jimmy Bartilic sa dakbayan sa Talisay kagahapon, Mayo 26.
Si Bartilic napusilan-patay atol sa shootout sa Lawaan 3 niadtong Mayo 16.
Ang namatay nga kapitan niabot sa dapit aron pagpatunga sa kasamok sa usa ka pamilay apan, gipusil siya sa retiradong US Marines nga si Dean Torefranca, namatay usab sa samang adlaw.
Matod ni Labalan, ang pagkamatay ni Bartilic nagpasabot nga nawad-an sila og usa ka maayong lider nga napili sa barangay.
Gipsaot ni Labalan si Bartilic maklaro nga matinud-anong nagsilbi sa barangay ug makita ang daghang kausaban ubos sa iyang pagdumala.
Human sa pagdaug ni Bartilic sa eleksiyn sa barangay sa 2018, si Labalan niingon nga giatbang dayon niini ang kasulbaran sa problema sa drainage ug pagsemento sa kadalanan.
Si Bartilic aktibo usab kaayo sa kampanya batok sa gidiling drugas, dugang ni Labalan.
“Maminaw gyud na siya namo, sa mga taw, iya dayon ng aksyonan basta para sa kaayohan ” matod ni Labalan.
Si Cecilia Gentica, residente sa barangay sulod na sa 25, nakaingon nga si Bartilic maoy labing maayong barangay kapitan sa ilang dapit.
Matod ni Gentica, ang ilangkaitan namatay nga sama sa usa ka bayani, nitubag sa sugo sa serbisyo.
Si First Councilor Frederick Marababol, kinsa maoy mohulip sa pwesto isip barangay kapitan, niinon nga dili siya makatupong ni Bartilic apan maniangkamot siya uban sa konseho sa barangay sa pag-alagad s a katawhan.
Si Marababol niingon nga si Barftilic dili lang amahan sa barangay apan giisip usab niyang amahan, nahihumdom sa ilang kataposang panagsulti niadtong Mayo 15 sa buntag.
“Ana siya ‘dong, asa ka?’ nangutana ko ngano, ana siya ‘gimingaw ko nimo anhi nya barangay ha’,” sumala sa masub-anong si Marababol.
Karong Huwebes, Mayo 30, sa buntag, nagplano si Marababol nga moadto sa barangay hall aron pag-andam sa pipila ka butang.
Atol sa lubong kagahapon bisan sa kainit sa adlaw, lioan ang nanambong ug nihatod sa kapitan sa iyang kapahuwayan sa dayon sa Talisay City Public Cemetery sa Poblacion, Talisay City. (JMJL)