Dear Papa Joe,
Tawaga lang ko og Alan, 48 anyos na ang panuigon ug nia ko sa Bohol karon, minyo ug may lima ka mga anak.
Pobre ra mi kay usa ra ko ka kusenero og karenderia. Kining karenderia nga akong gitrabahuan dugukon kaayo ni og mga kustomer kay lami daw akong luto labi na sa mga seafoods. Daghang nagsulsol nako nga mag abli og akong karenderia o restawran pero maikog man ko sa tag iya diri kay taud taud nako bisan di ing ana ka dako akong sweldo.
Hangtud nga naay tawo nga niduol nako nga andam daw siya mo capital para nako para makatukod kuno ko og ako kay sa tinuod daw ang nahayahay ang tag iya sa karenderia nga wa man daw magtagad nako nga maumentuhan. Mas luoy daw ko nganong maikug man. Mao ni akong suliran karon kay sakto sad siya. Dawaton ba nako iyang tanyag? Palihug tambagi ko.
ALAN
Alan,
Basin mao na na ang tubag sa imong kalisud. Pero mas maayo sutaon nimo sa ang tumong ug tinguha niya sa pagtabang. Basin naay something in return or buhaton lang na og frint imong negosyo, lisud na.
Klaruha ang terms like mag tunga ba mo sa ginansya kay lisod og mao nay tuhuan nimo nga libreng tabang na. Pananghid og tarong sa imong amo, kana kon makakita ka nga naa gyuy padulngan. Basin moundang ka unya di diay madayon.
Papa Joe
(sa inyong tampo ipadala sa papajoesuperb@gmail.com)