LAKIP nga nag-brigada eskwela ang “Ang Probinsyano” aktres nga si Yassi Pressman isip usa sa volunteers sa Save the Children, usa ka non-profit organization, niadtong Sabado, Mayo 25.
Ang Brigada Eskwela inisyatibo sa Department of Education diin nag-awhag kini sa nagkadaiyang organisasyon nga motabang pagpanglimyo ug pag-ayo sa pampubliko nga tunghaan sa dili pa magsugod ang laing school year.
Sa iyahang Instagram post, si Yassi nagkanayon nga isip parte gihapon sa selebrasyon sa iyang ika-24 nga adlawng natawhan, lakip siya nga nitabang sa Brigada Eskwela diin mi-donar usab kini og mga supply sa eskwelahan.
“Still celebrating my birthday month with charities every weekend with friends...helping out by cleaning repairing and donating to supply needs for the students of this school!” si Yassi kinsa mitabang sa usa ka tunghaan sa Navotas.
Nisaulog sa iyang ika-24 nga adlawng natawhan si Yassi niadtong Mayo 11. (B)