SECTIONS
Thursday, June 27, 2019
SUPERBALITA CEBU

Daghang nagbagulbol sa Spice Girls reunion concert

TUNGOD sa problema sa sound system, daghang fans ang nagbagulbol atol sa unang adlaw sa reunion concert sa 1990s girl band nga Spice Girls.

Ang gihinamhiman nga reunion concert sa fans sa British pop group nga nagsugod niadtong Biyernes, Mayo 24 sa Dublin, Ireland nakaani kini og pagsaway tungod kay dili madungog sa concert goers ang tingog sa mga singers.

Kapin 70,000 ka mga tawo ang mitan-aw sa opening reunion concert sa Spice Girls apan gihulagway kini nga “awful” ug daghang tawo ang namiya.

Ang “Wannabe” singers nga nisikat lukop kalibutan, mi-post sa ilang Twitter account ug nipasalamat sa ilang fans sa unang gabii niini.

“Dublin, thank you SO much for a brilliant first night on the #SpiceWorld2019 tour,” sa Twitter diin lakip ang hulagway sa opening number niini.

Sila si Melanie Brown (Scary Spice), Geri Horner (Ginger Spice), Melanie Chisholm (Sporty Spice) ug Emma Bunton (Baby Spice) mo-perform kini sa laing 13 ka venue.

Ang ikalima nga miyembro niini nga si Victoria Beckham, kinsa usa na ka sikat nga designer karon kinsa bana sa sikat nga soccer player nga si David, dili makaapil sa maong reunion concert.

Sa pagkakaron, UK ug Ireland pa ang kompirmado sa maong world tour sa grupo, molungtad kini hangtod Hunyo 15 ning tuiga.

Malaumon si Melanie B nga maayo na ang vocals ug sounds sa sunod nga show sa maong grupo. (B)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph