No smoking sa police offices, HQs ipatuman sa Central Visayas: Sinas

(SunStar file)
(SunStar file)

ANDAM ang Police Regional Office (PRO) 7 na sa pagpatuman sa smoking ban sa mga publikong lugar sa tibuok rehiyon 7 human mimando si President Rodrigo Duterte nga dakpon na ang mga tawo nga molapas niin.

Matod ni Police Brigadier General Debold Sinas hepe sa kapulisan sa Central Visayas nga ila na kining estriktong gipatuman sa sulod sa kampo diin wala nay police ug non uniform personnel ang gitugotan nga maka panabako sulod sa kampo.

Gidili na usab sa pagpasulod ang mga nagdalag sigarilyo sa kampo sa PRO-7 pinaagi sa pag kap-kap kanila sa gate palang daan aron dili maka sigarilyo sa mga tago nga lugar.

Wala usab sila mag butang ug smoking area tungod kay ang gihimong smoking area sa PRO-7 mao ang tunga-tunga sa karsada sa Osmeña boulevard sa dakbayan sa Sugbo.

“The regional headquarters is smoke free, all of the PHQ’S I already inform them nga smoke free including sa stations I told them already at least yung mga PNP areas are smoke free, on how to do that mas effective kung ang local government ang mo implement,” matod ni PBGEN. Debold Sinas.

Gimandoan na usab niya ang tanang City ug Provincial Police Office Director nga ila usab kining ipatuman sa ilang tagsa-tagsa ka mga kampo ug police station.

Bisan kinsa nga makalapas niini mahimong dakpon ug ibutang sa usa ka dapit nga dunay monitor sa telebisyon nga mosalida sa resulta sa panigarilyo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph