SECTIONS
Tuesday, July 23, 2019
SUPERBALITA CAGAYAN DE ORO

Todino: Suportahan ang Clenro

Pro Bono

MOPAHIGAYON og usa ka bulan nga dry run ang City Local Environment and Natural Resources Office (Clenro) sa dili pa hingpit ipatuman kining "no segregation, no collection policy" sa mga basura karong Hulyo 1.

Dili pa ulahi ang tanan. Apan napasantop na ba kaha pag-ayo sa Clenro kining maong polisiya ngadto sa komunidad?

Ubos sa Integrated Ecological Solid Waste Management ordinance, gimandoan ang mga balay patigayon ug mga kabalayan nga ilain ilang mga basura -- recyclable waste, biodegradable waste ug non-biodegradable -- nagpasabot nga dunay matag usa nga sudlanan ang basura alang sa plastic, botelya ug lahi usab ang basura nga pwedeing madunot.

Gilantawan sa Clenro nga sugod sa 2020 ang tanang 80 ka mga barangay sa siyudad makahimo na sa pagtuman sa maong polisiya.

Dako kini nga hagit sa maong ahensiya kay sigurado ta nga maglisod gyud sa pagtuman niini ang mga residential houses. Apan, dili imposibli nga masunod kining polisya kon abagan sab sa gobiyerno ang paningkamot sa komunidad pagtuman sa balaod.

Tingali, mahimong mohatag og sudlanan sa basura ang atong gobiyerno bisan ngadto lang una sa kabalayan. Tinuod magkinahanglan kana og igong pundo aron ipalit sa maong ekipo. Apan, kon tiunay moalagad ang gobiyerno, dili kana bug-at sa ilang panudlanan.

Kon kuwang gyud og pundo, mahimo mang mohangyo sa mga kongresista ug senador paggahin og salapi alang sa maong proyekto.

Dugang pa niana, mas maayo mohatag og insentibo ang gobiyerno ngadto sa mga residential houses ug business establishment nga ningtuman sa maong polisiya. Sama pananglit libreng basurahan o diskwento sa ilang business permit fee.

Suportahan nato kining tinguha sa Clenro apan mas maayo unta pud nga idungan paghipos nato ang mga basura nga wa makolekta diha sa mga bakanti nga luna. Unya dili undangon kining information drive aron masabtan pag-ayo sa katawhan ang programa.

Aron makakita gyud ta og epektibo nga implementasiyon sa programa, awhagon nato ang Clenro ug ubang mga ahensiya sa gobiyerno nga mopatuman niini nga "estriktohon" gyud nila paggukod kadtong mga malapason sa balaod. I-monitor nila kanunay ang mga barangay nga lugak ang implementasiyon aron patubagon kining mga opisyal nga kuwang og "political will" pagduso sa programa.

Dili nato tiawtiawan. Karon kay sugdan man sa Clenro, nan, atong suportahan ug nuntan natong tanan alang sa kahapsay ug kalimpiyo sa atong palibot.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph