DAKO nga gasa nga mahimong usa ka inahan apan usa sa gipaniguro ni Chef Cathy Dano nga samtang busy siya sa pag-atiman sa iyang mga negosyo dili sab mapasagdan ang iyang responsibilidad isip usa ka inahan nga moatiman sa iyang duha ka mga anak.
Si Chef Cathy mao ang general manager ug co-owner sa Thai Me Up nga anaa nahimutang karon sa Centrio, Ayala Mall, gawas niini usa sab ka program head sa culinary arts sa Monster Kitchen Academy.
Dili ka makatoo nga sa kadaghang gipas-an nga responsibilidad ni Chef Cathy isip negosyante, isip professional chef ug hands-on nga inahan sa iyang 16 anyos nga anak nga babae ug 12 anyos nga anak nga lalaki nakaya niini tanan i-manage ug aduna pay igong panahon nga atimanon iyang kaugalingon gumikan sa ka sexy niini.
Lumad nga taga Manila si chef Cathy, kinsa didto niya naila ang iyang kapikas sa kinabuhi nga si Mark. Gihulagway niini nga labihan ka supportive sa iyang mga pangandoy sa kinabuhi ang iyang bana taliwala paman nga bout sab niini nga dili na unta siya motrabaho.
Gikan sa Manila nakapuyo pa sa siyudad sa Iligan ug sa katapusan dinhi sa Cagayan de Oro kon hain iyang giisip nga ikaduhang puloy-anan nga mitatak na sa iyang kasing-kasing.
Saysay ni Chef Cathy nga catering ang iyang unang negosyo kon hain hands on siya niini sa pagluto, pagpreparar, pagdawat sa order ug pag inbentaryo.
Aminado kini nga kapoy nga trabaho labina iyaha tanan apan wala kini niya gibati ug "fullfilling" ang iyang paghulagway niini labina iya kining passion.
"It wasn't easy but I found a sense of joy and fulfillment," matud niini.
Dinhi sab sa Cagayan de Oro naila ni chef Cathy ang magtiayon nga dako og kabahin sa kalamposan sa iyang negosyo nga gisugdan.
Mapasalamaton kini nila ni Jan ug Maggie Uy kinsa tag-iya sa Monster Kitchen Academy ug uban negosyo sa siyudad sa Cagayan de Oro nga nahimo niya nga business partners.
"Thai me up is now on its eight year. We encountered a lot of challenges; the ups and downs in sustaining and growing the business. But I have the best partners. I learned a lot from them and considered them as my mentors. We respect, support and help each other," pagdayeg ni Chef Cathy sa magtiayon.
Gawas sa pagtudlo sa Monster Kitchen ug pagpadagan sa Thai Me Up, nagmanage sab kini sa Bite Me Up, ang brand sa Bite Me Up Food Corporation nga nagbaligya og mga pasalubong.
"It's challenging to balance family and work. But with God's help, I was able to manage," humble nga pahayag niini ug midugang nga siya mismo ang miatiman sa iyang mga anak nga wala na nagkinahanglan og katabang. Sa ilang mga klase siya maoy gahatod ug gakuha kanila sa tunghaan.
Gitudloan sab niini ang iyang mga anak nga mahimong responsable, boutan ug adunay dakong pagsalig sa labawng makagagahom.
Giangkon sab niini nga matag weekend kinahanglan aduna silay igong panahon nga magkatigom pamilya ug siya isip usa ka chef moluto kanila ug gakalakip pa ang iyang mga higala.
Saysay sab niini nga aron mamintinar ang iyang healthy nga panglawas iyang gapaninhuhaon nga dunay panahon sa pag gym, walking ug pag-meditate matag buntag ug labaw sa tanan aduna kini kahigayonan nga magtravel.
Dugang niini nga mas pilion niya nga mag-inusara aron makahuna-huna ug makarelax kaysa mag-shopping ug maglaag.
"On weekends, I put aside my work for family time. I make sure I spend all my down time with my husband and children. I feel complete when I'm with my husband and kids. I try to instill good family values to my children in as much as I could. We try to bring out the best in them and encourage them to follow their dreams and work hard for it," matud niini.
Dugang ni chef Cathy nga dili man perpekto tanan apan padayon kini niyang gitun-an.
"There will be good and bad days but the difference is you know why you're doing what you're doing. It takes time, a lot of hard work and pains to be a good parent and good entrepreneur. Until now, I'm still learning in the process," dugang niini ug mapasalamaton sa tanan nga gasa nga gihatag sa Ginoo kaniya. Positibo sab ang personalidad ni Chef Cathy sa tanan nga butang nga iyang makita ug tambag niini nga e-enjoy lang ang kinabuhi.