MALAMPUSON ang operasiyon sa mata ni Cagayan de Oro Mayor Oscar Moreno niadtong Sabado, Mayo 25, sa usa ka pribadong ospital sa siyudad sa Cagayan de Oro.
Giingong nilungtad sa 30 minutos ang operasiyon human nga gitangtang ang cataract sa mata niini.
Nagpagawas og pahayag si Moreno nga andam na ang mga mata niini alang sa hayag nga panglantaw alang sa kaugalingon ug sa siyudad ilabi na nga subling gipili sa katawhan sa nilabay nga eleksyon.
"As I prepare myself to start my third and last term as mayor of Cagayan de Oro, I am getting my eyes ready for a clear vision, for myself and for our beloved Cagayan de Oro. We are also getting the entire bureaucracy of the city prepared for another three years of serving the people of Cagayan de Oro the best way possible. God bless our people and Cagayan de Oro!" pahayag ni Moreno.
Nagpasalamat usab kini sa iyang mga doktor ug pamilya human sa malampusong operasiyon, ug gani giingong padayon kini nga moreport sa city hall ilabi na aron nga mamahimo ang repsonsibilidad isip mayor, apan gipasabot usab niini nga kinahanglan usab nga tumanon ang kamandoan sa iyang mga doktor aron malikay diha sa sobrang kainit sa panahon.
Nasayran nga niadtong Mayo 20 sa unang Lunes ug flag raising sa city hall, nagpasalamat si Moreno sa katawhan ug gipasabot niini nganong naka shades tungod na usab nga dunay deperensiya ang tuo nga bahin sa mata.
"Another three years and this will be malooy ang Ginoo my third and final term naa lang gamay casualty ang akong mata tungod sa kainit sa adlaw naa'y gamay deprensiya akong right eye dili kaayo ko kakita sa akong right eye I hope matambalan pa gihapon," pahayag ni Moreno.