NIDANGOP sa kapulisan ang usa ka magtutudlo human gihulga sa usa ka estudyante niadtong Biyernes, Mayo 24, pinaagi sa social media sa usa ka elementarya nga tunghaan sa Barangay Gusa, sa Dakbayan sa Cagayan de Oro.
Ang maong maestra naila nga si Riah (bansagon gitago), 42, minyo, taga Barangay Cugman, samtang ang estudyante nailang si Kevin, 18, ug residente ra usab sa Barangay Gusa.
Sa nahipos nga impormasiyon, gikabutyag nga nabalaka ang maestra human nga nagsige og post sa social media si Kevin ug mga malaw-ay nga mga pulong ug nihulga na sunogon ang tunghaan.
Nasayran nga dunay dakong kasuko ang maong estudyante apan wala na kini gibutyag kung unsa ang hinungdan sa maong panagbingkil.
Ang maong insidente ang nakatala na sa buhatan sa kapulisan ug giduso na sa cybercrime office alang sa dugang nga imbestigasiyon.