NAGPABILIN sa ikaduhang dapit si Sen. Manny Pacquiao sa listahan sa labing adunahang mga senador sa Pilipinas basi sa taho sa www.abs-cbnnews.com.
Nagpabilin sab sa No.1 nga puwesto ning maong listahan basi sa ilang tagsatagsa ka 2018 statements of assets, liabilities and net worth (SALN), mao si Sen. Cynthia Villar.
Si Villar adunay net worth nga P3,719,941,858.00 ug wala’y liability.
Si Pacquiao adunay net worth P3,005,808,000.00 apan mao sab kini ang nagtangag sa labing dakong liabilities nga nagbalor og P146,005,728.00.
Ang mga nagsunod nila ni Villar ug Pacquiao alang sa top 10 ning maong listahan mao sila si Sen. Ralph Recto (Net worth: P555,324,479.82),Sen.Juan Miguel Zubiri (P182,851,570.34).
Naa sab sila si Sen. Sonny Angara ( P135,840,710.00), Sen. JV Ejercito (P132,820,34), Sen. Franklin Drilon (P97,726,758.00), Sen. Sherwin Gatchalian (P96,210,607.14), Sen. Grace Poe (P93,039,921.54), Sen. Richard Gordon (P71,285,178.56).
Sa laing bahin, opisyal nang gisugdan ni Pacquiao ang iyang training camp alang sa sunod niyang tahas.
Ang Pambansang Kamao ng Pilipinas nakatakda nga makig-away kang American Keith Thurman karong Hulyo 20 sa MGM Grand Graden sa Las Vegas, USA.
Si Pacquiao, kinsa tag-iya sa World Boxing Association (WBA) welterweight regular title mosuway pag-ilog sa WBA welterweight super world nga bersyon niini nga gigunitan ni Thurman.
Ning awaya, gikonsiderar nga inilog si Thurman nga maoy mas nagpadasig ni Pacquiao. (ESL)