DEAR Noy Kulas,
Tawga lang ko og Romy, 40 anyos na pero legitimate nga ulitawo gihapon. Kadaghan na ko makaagi og heartaches sa mga babaye nga kusog kaayong mopasakit og mga lalake. Diha pay akong nasakpan nga tulo mi sa iyang life ug maayo gani, akong nasakpan kay nimabdos ra ba ug di akong napasanginlan nga amahan.
Idealist ko sa relationship kay gusto kong magminyo ug makaanak. Pirme ko mangita og babaye nga tarong pero dimalas ko. Karon naa koy nakit-an nga batan-on pa kaayo ug manghod kaayo nako. Mag 19 anyos pa ning bayhana dihang nagkaila mi kay service crew siya sa us aka kan-anan. Nagkaamiga until nanguyab ko niya ug iya kong gisugot kay na-develop na kuno iyang feeling diri nako sukad mi nagkaila.
Bitaw, nagtabang ko niya og eskwela ug bisan sa uban niyang needs ako ang nag-provide. In short, maora siya og akong scholar. Nag-estorya na mi parte sa among future ug ingon pa niya nga mo-graduate siya, makatrabaho ug makatabang sa iyang pamilya, ready na siya magminyo mi.
Karon, tungod tingali sa among age gap, magselos ko sa iyang pero wa ko pahalata niya. Gusto na siya nga magpuyo mi para di kuno ko ma-insecure. Unsay imong huna-huna, Noy Kulas, maayo kaha ang iyang gi-suggest diri nako? Maayo ba ang akong gibuhat niya? Please enlighten me.
ROMY
Rom,
Mas maayo nga likayan una nimo nang magpuyo m okay basin masipyat, momabdos nang bayhana ug maguba ang iyang mga plano ug pangandoy sa paghuman og eskwela, motrabaho ug motabang sa iyang pamilya. Bisan tuod naa kay makuha niya physically bugti sa imong pagtabang, apan mas maayo nga magbunga og maayo ang imong mga paninguha alang niya, kanang moarang-arang ang kahimtang sa iyang pamilya. Kana kay naninguha ka nga mahigugma siya nimo, mas maayo nga dunay maayong future ang imong uyab.
Ikaw na lang ang adjust niya. The more r aba nga ipakita mo ang pagselos, mas maka-turnoff ni sa babaye. Instead nga imo siyang madani ug pahigugmaon og maayo, maingon usab nga sama ka og hinayhinay nga nagpatay sa tanom nga imong gialimahan. Learn to adjust kay lahi ang mentalidad sa millennial.
Di man ka maproblema kay lalake man ka. Basta maayo lang ang lawas, makapaanak ka bisan medyo hamtong na ka. Huwata ang hustong panahon nga andam na siya nianang butanga.
NOY KULAS