ANG kaanyag sa usa ka Bikolana ang mi-reyna sa bag-uhay pa lamang nahuman nga Miss National Prisaa (Private Schools Athletic Association) 2019 nga gihimo sa, siyudad sa Davao, Mayo 23, 2019.
Ang Prisaa di lamang paugnat sa kusog, duna sab kini ubang pakontest sama sa dancesport ug beauty pageant nga abtik nga giapilan sa piling estudyante gikan sa 16 ka rehiyon sa Pilipinas.
Sa unang higayon nabitbit ni Rhianne Macy Zapata sa Mabini Colleges Inc sa Daet, Camarines Norte ang korona alang sa Bicol Region.
Very memorable ang kadaugan ni Zapata tungod unang beses kini sa ilang rehiyon sukad namugna ang pageant.
Sa Camarines Norte News giangkon sa dalaga ang grabeng pressure.
Kini tungod unang beses kining pag-apil ni Zapata og national pageant.
Dugang sa dalaga nga bisan kulba apan, naningkamot siyang mapakita ang iyang abilidad, atubangan sa mg hurado.
Ubang mananaug mao sila:
1st runner-up - Christine Nicole Silvernale (Central Luzon)
2nd runner-up - Angela Mae Castriciones (Central Visayas)
3rd runner-up - Brigitte Flor Mercene (Davao Region)
4th runner-up - Nadryll Barbaton (Western Visayas)
Suma pa nga ang kadaugan ni Zapata nakahatag og dakong puntos sa delegation sa Bicol Region sa Prisaa National Meet 2019, rason nga mihuman sila sa ikaupat nga pwesto sa overall rankings.