MAGUINDANAO PROVINCE -- Duha ka mga tawo nga namisita lang sa ilang paryente sa Barangay Tukanalipao, Mamasapano sa probinsiya ang gipamusil patay.
Nahitabo ang pagpatay sa mga biktima nga sila Tato Diang ug Antong Salip, pulos molupyo sa Datu Salibo sa probinsiya alas 5:20 sa hapon, Dominggo, Mayo 26.
Gibutyag ni Maguindanao Police Provincial Office Director Colonel Ronald Briones nga gibisita lamang sa mga biktima ang ilang paryente sa maong dapit apan sa dihang mamauli na unta sakay sa motorsiklo, dunay ni-atang kanila nga usa ka wala mailhing mga lalaki ug namusil.
Patay on the spot ang mga biktima nga natusak-tusak ang lawas sa bala sa M16 Armlite rifles.
Rido o dumot sa pamilya ang gitan-aw sa mga awtoridad nga motibo sa pagpatay sa mga biktima.