SUPERBALITA DAVAO

Unang babayeng director sa CCPO molingkod na

COTABATO CITY -- Molingkod na ang usa ka babayeng pulis isip director sa Cotabato City Police Office.

Siya mao si Police Colonel Porita Banaga Manalad.

Makonsidera nga kasaysayan sa dakbayan ang pagkatudlo kang Colonel Manalad kinsa maoy labing unang babaye nga city director sa Police Regional Office (PRO)-Soccsksargen ug sa tibuok rehiyon sa Mindanao.

Si Colonel Manalad nag-inusarang babaye nga nigradwar sa Philippine National Police Academy (PNPA) niadtong 1995.

Nahuman sab niya ang Master in Public Management Major in Development and Security sa Development Academy of the Philippines niadtong 2016.

Kanhi nadestino si Manalad sa UN Mission sa United Nation Police (UNPOL) nga mitabang sa pagpatunghay sa kalinaw sa Kosovo ug East Timor diin gigamit niya ang gidaghanon sa tawhanong mga katungod sa matag indibiduwal sa tanang matang sa kinabuhi.

Karon usa pa ka misyon nga siya mag-alagad sa katawhan sa siyudad sa Cotabato.

Diha sa mga hagit sa balaod ug kahusay ingon man sa nagkadaiyang kultura sa siyudad.

Ang bag-ong city director nag-atubang og dakong trabaho ilabi na nga usa ka inahan nga kanunay nga layo sa iyang pamilya sa Luzon aron lang pag-alagad sa mga tawo.

Si Colonel Manalad mao karon ang sentro sa mata sa ubang mga babaye nga opisyal dili lamang nga nakahuman sa PNPA apan usab sa ubang mga babaye nga opisyal sa organisasyon sa Philippine National Police (PNP).

Giawhag sa CCPO ang tanang mga Cotabateños sa pagsuporta kang Mayor Frances Cynthia Guiani Sayadi ug sa liderato ni Manalad.

Ang pormal nga paglingkod ni Manalad ipahigayon alas 2:00 sa hapon Martes, Mayo 28, sa CCPO Headquarters sa PC Hill, Cotabato City nga tambungan sa mga lokal nga opisyal nga gipangulohan ni Sayadi, mga opisyal sa militar ug kapulisan.

"Ang mga kababaihan ay maaaring maging mahina sa pisikal ngunit maaaring maging kasing lakas ng lahat ng ibang tao sa paglilingkod sa maraming iba pang mga paraan," pahayag ni Manalad.

Kahinumdoman nga gideklara nga persona non grata si outgoing PNP City Director Colonel Michael Lebanan sa City Council gumikan sa pagtaas sa ihap sa nagkadaiyang krimen.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph