PATAY ang usa ka welder human gituohang gigolgol ang liog niini Dominggo sa gabii, Mayo 26, didto sa Barangay Los Amigos, Tugbok District Siyudad sa Davao.
Giila ang biktima nga usa ka Joseph Rosei Cansio, 27-anyos, residente sa Acacia, Calinan ning siyudad.
Sumala sa imbestigasyon, nakatulog ang biktima sa lugar human nakig-inom sa iyang barkada.
Dihang naghapa ang biktima sa lamisa, miabot ang usa ka wala mailhing lalaki ug kalit miduol sa biktima dayon gigolgol ang iyang liog nga miresulta sa kamatayon.
Daling misibat ang suspek sakay sa naghulat nga motorsiklo.
Sa kasamtangan, padayon ang gihimong imbestigasyon sa kapulisan labot sa maong hitabo.