MOABOT sa 14,000 ka mga supporter sa Liberal Party ang ningtambong sa Noynoy-Roxas simultaneous rally sa miaging gabii sa Mandaue City Sports Complex.
Kini giulohan og People Power is Vote Power agi’g kasaulogan sa Edsa People Power 1 nga nahitabo 24 ka mga tuig na ang nakalabay.
Ang maong rally dungan sa ubang 16 ka mga dakbayan sa nasod nga nagsaulog usab, diin ang sentro sa kalihukan mao ang sa Araneta Colisuem sa Quezon City.
Dinhi sa Sugbo ang kalihukan gipangulohan nila si kanhi senador John Osmena; kanhi Cebu City councilor Hilario “Jun-Jun” Davide Jr., Cebu Vice Governor Greg Sanchez; Mandaue City Mayor Jonas Cortes, Provincial Board candidate Edmund Sanchez ug kanhi Cordova Mayor Arleigh Sitoy, Kongresista sa 4th District Celestino “Tining” Martinez III ug ubang mga opisyal ug kandidato sa Liberal Party. (FVQ)