DENR 7 pakyas pagluwas sa banog sa PRO 7

NAKAKUHAG attention sa mga sakop sa Police Regional Office 7 ang usa ka langgam nga banog nga nagbalhinbalhin og batog sa mga dagkong kahoy sa gawas sa kampo sa kapulisan.

Giingon nga niadto pang miaging semana nabantayan sa mga pulis ang maong dakong langgam nga mosakdap sa mga tawo nga moagi sa kilid sa karsada ug manoktok usab sa mga pagkaon sa nag linya nga karenderia.

Sa unang tan-aw, nagtuo ang mga pulis nga usa ka agila ang dakong langgam, apan sa dihang naklaro kini sa duol, usa diay kini ka dakong banog.

Tungod niini, dali sila nga nanawag sa Department of Environment and Natural Resources 7 aron maluwas ang langgam sa kabalaka nga adunay mopasakit niini ilabi na nga adunay mga balay sa luyo sa kampo.

Matod ni Carlo Babiara, zoology technician sa DENR-7 nga dili endangered species ang banog sanglit daghan kini sa bukid. Apan, tungod kay anaa kini sa siyudad, mahimong mameligro kini.

Pakyas ang mga sakop sa DENR pagluwas sa banog kay idlas pa kini sa manatad.

Nabantayan ni Babiara nga nahimong dependent ang banog tungod kay kanunay kini nga pakan-on sa mga tawo sa karenderia. (AYB)