GISUGAT og protesta ang panagtagbo sa Commission on Education Regional Committee on Tuition and Other Fees, Lunes, Mayo 27, sa nagkadaiyang student organization nga supak sa laing pagsaka sa tuition sa mga tunghaan sa kolehiyo.
Matod sa usa ka opisyal sa usa ka student organization sa Visayas nga kon aduna’y pagtagad ang CHED sa kalidad sa edukasyon ug mas dali nga edukasyon sa nasod, dili na unta pasak-an ang tuition fee sa mga tunghaan sa nasod.
“Today, we challenge the Commission on Higher Education (CHED) that if it genuinely cares for the right of the Filipino students to quality and accessible education, then it should listen to our demand to stop tuition and other school fees increases,” matod ni Joahanna Veloso, Associate Vice President for Visayas of the National Union of Students of the Philippines (NUSP) ug kanhi President of the Supreme Student Council sa University of San Carlos.
Lakip sa nagprotesta n sa CHEd 7 office ang grupo sa National Union of Students of the Philippines Cebu, Rise for Education Alliance Cebu, College Editors Guild of the Philippines Cebu, Kabataan Partylist Cebu, Anakbayan Cebu, Students Alliance for Nationalism and Democracy-USC, ug Nagkahiusang Kusog sa Estudyante-UP Cebu.
“Every year, CHED has been approving the proposal of Private Higher Education Institutions (PHEIs) to increase their tuition and other school fees. Last academic year, CHED has allowed an average of 12-percent increase of tuition and other fees in Central Visayas,” si Veloso nagkanayon.
Gipasabot niini nga dugang pas-anon sa mga tinun-an kining dugang bayad sa tuition lakip na usab kini nga pas-anon sa mga ginikanan.
Nasayran nga alang sa school year 2018-2019, 29 ka Private Higher Education Institutions (PHEIs) sa ang nipasaka sa ilang tuition fee ug ubang school fees sa Central Visayas.
Nasayran nga tunga-tunga sa first semester sa academic year 2018-2019, nipasaka ang USC sa ilang tuition fee nga wala’y pahibawo sa mga studyante, “A tuition fee increase was quickly imposed without warning, alarming first year students with almost a 100% increase in their tuition,” matod ni Meg Lim, tinun-an sa 1st year ug usa sa conveners Rise for Education Alliance in USC.
Gikompirmar usab kini sa Supreme Student Council sa USC diin giangkon usab sa administrasyon sa USC.
“It is very easy for the administration to ask for an apology but the damage has been done and it has been clearly manifested through their acts that as students, despite being their largest constituents, our rights have been flouted by the administration,” dugang ni Lim.
Nakigtagbo usab ang maong mga grupo sa personnel sa CHED 7 human sa ilahang lihok protesta.
Gisuwayan ning mantalaa pagkuha sa habig sa CHED 7 apan dili kini motubag sa text o tawag.