USA ka ex-convict ang gipusil-patay sa motorcycle riding-in-tandem sa Sitio Sumbria, Barangay Lawaan 1, dakbayan sa Talisay kagahapon, Mayo 27, alas 12:30 sa udto.
Ang biktima mao si Juvic Abellana, hamtong, molupyo sa naasoy nga dapit. Naigo sa iyang ulo ug tiyan sa bala sa wa pa matino nga armas.
Sumala sa pipila ka molupyop sa dapit, ang biktima 'sud-gawas' na sa bilanggoan.
Ang biktima, bag-ong naniudto sa usa ka karenderiya sa dapit, gipusil sa angkas sa motor diha duol sa basketball court sa maong dapit. (GPL)