Dura: Pasagdan lang nimo mayor?

Dura: Pasagdan lang nimo mayor?

SA NAGKADAGHANG investment schemes dinhi sa rehiyon, nakadayeg ko sa gihimo sa atong pinanggang Mayor Sara Duterte-Carpio nga hugot nagbahad nga di mosulod sa siyudad ang mga investment schemes kay nagbantay ang

Davao City Anti-Scam Unit.

Gani, niadtong niaging mga semana gipasirhan nila ang opisina sa usa ka investment company sa Barangay Maa ning siyudad nga walay business permit.

Lahi ang atong mayor kumpara ni Mayor Allan Rellon sa Tagum City, kinsa unang nagsulti nga wala siya'y mahimo sa mga investment companies sa iyang siyudad tungod kay walay court order nga magpasira kanila.

Pero, kung buot huna-hunaon, duna gyuy mahimo ang local chief executive sa nidas-ag nga investment schemes sa iyang lugar kung matinud-anon lang siya sa pagpatuman sa mga balaod.

Sama nalang sa pagsusi sa ilang mga business permits sa Business Bureau ug Bureau of Internal Revenue, Securities and Exchanges Commission (SEC) ug Department of Trade and Industry (DTI) registration uban ang nagkadaiyang ahensya sa gobyerno.

Kung masuta nga wala silay mga papeles gikan sa nahisgutang mga ahensya, nan, mahimo kaayo sa mayor nga mapasira ang maong patigayon.

Suma sa Criminal Investigation and Detection Group (CIDG) Manila, sa 30 ka mga investment companies sa Tagum City, upat lang kanila ang naay napakita nga inisyal nga papeles.

Karon kay naa may 26 ka mga investment companies sa Tagum City nga ilegal, unsa may lakang sa mayor? Pasagdan lang kini nga magpadayon sa ilang operasyon?

Jacama sa Davao City

Atong balikan ang nahitabo sa Jacama nga Davao-originated multi-level marketing nga gipasirhan sa lokal nga kagamhanan tungod sa paglapas sa ordinansa ug kakulang sa SEC permit.

Base sa rekord sa Business Bureau, ang Jacama nakakuha niadtong 2015 og mayor’s permit nga nag-otorisa kanila nga mahimong retailer sa general merchandise sama grocery items, food supplements ug uban pang dry goods ug wholesaler sa appliances.

Ang Jacama nagtanyag sa kliyente og cash back guarantee sales program pinaagi sa cash sales rebates diin ang usa mobubo og (Package one = P1,800), makakuha na og groceries, appliance, o gift certificate kantidad og P400 ug matag 15 ka adlaw makadawat og kantidad (Package one = P450 per 15 days) sud sa tulo ka bulan.

Kini nga aktibidad wa maapil sa pagtugot sa mayor's permit mao nga gipasira ang Jacama.

Hangtud karon, naghilak pa ang akong mga higala tungod kay wa nabalik ang ilang investments nga mokabat sa P100,000.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph