SUPERBALITA CEBU

Lariosa: Goodbye, 'endo'

Puyra buyag

ANG “endo” di ngalan sa tawo kondi termino nga nagpasabot og end of contract sa Ingles nga makabayaw sa kalipay sa kasingkasing sa mga trabahador.

Kay gipatay na sa kongreso ang contractualization kun panguntrato og mga kawani sa mga kompaniya sa nasod. Katapusan na sa pagpamiktima sa mga kabos.

Aprubado na gayud sa Senado ang Senate Bill 1826 or Security Tenure Act. Sa miaging tuig aprubado ang lower House version House Bill 6809 nga miusab sa Labor Code of the Philippines or P.D. 443.

Tipuon og duha ka mga bersiyon mahimo kining balaod inig-aprobar ni Presidente Duterte nga seguro niyang himuon kay iyang prayoridad nga matawo ang Anti-Contractualization Law.

Direct hiring na ang mga kompaniya. Di na sila makalikay sa mga employee benefits nga gipatuman sa balaod sama sa 13th month pay, bonus, Sick/Vacation leave, ubp. Duna nay seguridad sa panarbaho.

Kargado gud sa mga kompaniya dayog panguntratog mga empleyado kay ang under-contract employees di entaytol og mga benepisyo nga madawat sa mga regular.

Ang nakasakit sa buot ning maong mga kompaniya kay gamayng porsinto ra sa ilang personnel complement nga regular nagkontrato silag service provider.

Kining mga service provider nga mga ahensiya gimanduan nga tratahon nila ang ilang mga kawani nga mga regular nga makadawat og mga benepisyo suma sa balaod.

Makasud lang ang mga kompaniya sa mga kontrato sa service provider sa limitadong proyekto di ang life-blood nga kalihukan niini nga nagkinahanglag regular employees.

Ang usa ka labor agency nagkinahanglan og lisensiya sa Dept. of Labor & Employment (DOLE). Kausa ra siya makakuhag lisensiya di sa daghang higayon.

Aron matuman gyud sa tinarong ang pagka wa na sa Endo gikihanglan ang di kurakot nga mga kawani sa DOLE labi na sa gitawag nga mga labor inspector.

Dunay palusot-lusot (circumvention) sa Anti-Endo labi nag tabangan sa taga DOLE ang mga kompaniya tungod sa padangog paita mabiktima lang gihapon ang mga kabos.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph