NUNOT sa nagsingabot nga pag-abli sa klase sa school year 2019-2020, ang Department of Social Welfare and Development (DSWD) sa Central Visayas milusad sa iyang adbokasiya sa kampanya sa “Bata Balik Eskwela.”
Ang mga bata sa Pantawid Pamilya usa sa mga stakeholder sa programa ug responsable sa pagtuman sa usa sa mga ang-uanng kondisyon sa 4Ps, diin mao ang pag-apil sa matag school every school year.
Ang 4Ps usa ka human development program sa nasudnong kagamhanan nga namuhonan sa panglawas ug edukasyon sa mga kabus nga pamilya, labi na sa mga bata nga nag-edad og 0-18 anyos.
Ang programa nag-ila nga ang mga bata naglisod sa ilang pagtuon tungod sa ilang kakabus.
Dili pa lang dugay, gilusad sa Pantawid Pamilya’s Bata Balik Eskwela ang kampanya nga gitumong sa pagpahinumdom sa mga bata nga benepisaryo sa pagbalik sa pagpa-enroll aron hingpit nga masinati sa ilang pamilya ang benepisyo sa programa.
Kini nga kampanya nagsilsil sa utok sa mga bata sa kaimportante ug mithi sa edukasyon sa ilang kinabuhi ug kaugmaon.
“Through this campaign, DSWD would like to bring back to school the 4Ps children especially those who stopped going to school,” matod n DSWD-7 Regional Director Rebecca Geamala.
Kabahin sa paningkamot sa DSWD mao ang pagdasig sa mga bata sa pagbalik sa pag-eskwela, paghatag og school supplies ug materials sa ilang pagbalik sa pagtungha sa nagkalainlaing dapit sa Central Visayas region uban sa pag-abag sa Department of Education (DepEd).
“In coordination with the DepEd during the Brigada Eskwela, DSWD installed the Pantawid Pamilya help desk to encourage the parents and their children to enroll in the incoming school year,” dugang ni Dir. Geamala. (PR)