GIPANGULOHAN mismo sa bag-ohay lang nga napiling numero unong senador ang groundbreaking ceremony niadtong Mayo 28 sa Purok-2, Barangay Balubal, dakbayan sa Cagayan de Oro.
Mismong si Senador Cynthia Villar nangulo niining maong housing nga lakip sa mga pribadong developers ang Communities Cagayan Inc., Communities Isabela Inc., Communities Palawan Inc., Communities Negros Inc., Crown Asia Properties Inc., Brittany Corporation, Household Development Corporation ug Bria Homes Inc.
Nagrepresentar kini kang kanhi Senator Manny Villar kinsa, tsirman sa Vista land Corp., nga maoy mag-finance niining proyekto sa land development human usab nga naa sa Tokyo alang sa Presidential visit.
Gibutyag ni Villar nga sila ang mag-atiman sa land development tungod kay ang yuta gidonar sa lokal nga kagamhanan sa dakbayan hinungdan nga barato lang ang bayrunon.
Nagpasalamat kini sa lokal nga kagamhanan pinaagi ni Mayor Oscar Moreno ug sa social housing finance corporation ug uban pa.
“Mura po ang hulog kasi wala naman pong bayad ang lupa, walang bayad ang land development, we have to explain to this people that this is a new life for them, us, local government we should be firmed kasi we are giving them a new life magkakaroon sila ng sariling bahay,” matud ni Villar.
Nasayran nga ang maong proyekto nahimutang sa nahisgutang dapit diin dunay gilay-on nga unom ka kilometros gikan sa National Highway.
Mapasalamaton niini si Mayor Oscar Moreno kinsa nakaabot sa maong programa bisan pa man sa iyang operasiyon aron mapaabot ang pasalamat kay Villar sa tabang ug pagsalig sa siyudad.
“Papasalamat sa kanya itong malaking tulong para sa ating mga kababayan, akoy tuwang tuwa na pinakita ni Senator Villar ang kanyang commitment at tiwala sa Cagayan de Oro,” matud ni Moreno.
Ang makabenepisyo niini anaa sa mga 960 ka mga informal settlers families o mga walay mga panimalay diin dunay area nga 46,000 sq.m nga yuta.
Mokabat sa P70 milyones nga kantidad alang sa site development ug P420 milyones ang alang usab sa konstraksyon.
Kini nga proyekto gigahinan og pundo sa pakig-partner tali sa social housing finance corporation pinaagi sa community mortgage program diin ang mag-abaga mao ang mo okupar nga komunidad sa housing units diin mga anaa lamang sa mga P1,500 matag bulan.