HAOM kaayo ang tema nga “A united media in the face of threats” sa nagpadayon nga kasaulogan sa press freedom week human usa ka wala mailhing individwal ang adunay kaisog.
Sa wala pa pormal nga gisugdan ang selebrasyon sa kalihokan usa ka black streamer nga dunay marka nga “Kauban sa teroristang NPA. Karapatan, NUJP, UPLM, NUPL, LFS, SCMP, CEGP, COURAGE” ang gibitay ubos sa press freedom monument.
Gawas sa National Union of Journalist nga gi red tag lakip sng uban grupo sama sa Union of People’s Lawyers in Mindanao (UPLM), the National Union of People’s Lawyers (NUPL), the the Rural Missionaries of the Philippines (RMP), the League of Filipino Students (LFS), the College Editors’ Guild of the Philippines (CEGP), the Student Christian Movement of the Philippines (SCMP), ug Confederation for Unity, Recognition and Advancement of Government Employees (Courage).
Namatikdan kini sayo sa buntag sa wala pa gisugdan ang santos nga misa alang sa kick-off ceremony sa Press Freedom Week Celebration.
Butang nga wala gikahimuot og maayo sa prensa hinungdan mismong presidente sa Cagayan de Oro Press Club nga si Richie Salloman maoy nangulo sa pagsunog sa streamer.
Si Pamela Orias kinsa presidente sa National Union of Journalist sa Cagayan de Oro Chapter nasakit ug nadismaya sa kinsa man ang tawo luyo niining usa ka propaganda.
Dayag nga pagpangdaot kini ug pagdescredit sa katungod sa usa ka manunulat ug magsisibya.
“Ang mga threats and intimidation nga na experience sa atong media worker naga lead sa killings,” matud ni Orias.
Dugang niini nga ang kagawasan sa prensa dili mabayran ug dako og kagawasan sa pagpatiyabaw sa kamatouran ug mga hiwi nga binuhatan tungod kay mao kini ang angayan unta sa usa ka journalist.
“Press freedom is non-negotiable for a strong democracy to exist, journalist should work under an environment with a restriction or suppression. The freedom to criticize a mistake or to correct the wrong without fearing for your life is one of the foundation of the journalist.”
Taliwala sa mga red tagging batok sa NUJP, magpadayon ang prensa sa paghatod og patas nga balita ug pamahayag.
“Ang NUJP magpadayon kini kita tanan amid the threats kay wala kita mahadlok kay ang media organization sa Cagayan de Oro united kini,” panapos ni Orias ug miingon nga ubos sa Administrasyon ni Presidente Rodrigo Duterte moabot ngadto sa 13 ka sakop sa media ang namatay.