Electronic waste gikan Hong Kong niabot sa Tagoloan Port

LAING electronic waste nga gikan sa Hong Kong ang nahidangat sa Mindanao International Container Terminal sa lungsod sa Tagoloan, Misamis Oriental.

Gikumpirmar kini sa Bureau of Customs (BOC)-Northern Mindanao niaging semana nga ang maong toneladang electronic waste ug lain klase sa basura gikan sa Hong Kong, usa ka teritoryo sa nasod sa China.

Ang cargo adunay gibug-aton nga 25,610 ka kilo nga gilangkoban sa giguba guba ug gidugmok ngamga electronic devices sama sa cellphone, computer ug uban pa.

Una na nga gipahibalo ang mga nangabot nga mga basura nga nahidangat dinhi sa nasod sama sa Canada, South Korea ug Australia.

Gikumpirmar ni John Simon nga niabot kini niadtong February 15, 2019 ug gidala sa pinaagi ni Hin Yuen Tech. Env. ug adunay consignee nga nga Crowd Win Industrial Limited nga nakabasi sa Pasay City.

Ang shipment’s broker giila nga si Yolanda Narandan diha sa Door 1, Nacalaban Building, Julio Pacana St., Barangay 23.

Dugang ni Simon nga nakadawat siya og inpormasyon nga aduna pay 70 ka container van nga adunay sulod electronic waste maayo na lamang nga una kini nilang nasapon.

Gikonsidera sab niining deadly kini nga mga basura.

Matud ni Simon nga naningkamot siya nga mabalik sa mga nasod ang mga basura nga nahidangat.

Ang Sangguniang Panlalawigan pinaagi ni Board Member Buboy Sabal naglaraw nga imbestigahan ang sunod sunod nga pagdangat sa mga basura dinhi sa lalawigan.