SUPERBALITA CEBU

Flores de Mayo ang nakalingaw, nagtudlog Katekismo sa kabataan

ANG Flores De Mayo nga alang usab sa mga bata, gitapos sa Miyerkules, Mayo 29 sa National Shrine of St. Joseph sa Dakbayan sa Mandaue.

Gipakita sa mga bata ang ilang nagkadaiya nga talento atol sa Children’s Day.

Kon ang ubang kabataan nalingaw sa paglaag, pagpangaligo sa dagat ug uban pa nga mga kalihukan ning summer ug bakasyon, ang gatusan ka mga bata nga nagkatapok sulod sa tunga sa adlaw, sa kilid sa simbahan sa National Shrine of St. Joseph mas nipili nga makat-on sa mga pag-ampo ug pulong sa Ginuo.

Alang sa 9 anyos nga si Jennie Mae Tuñacao nga matag alas 9 hangtud sa alas 10 sa buntag ug mobalik sa hapon, motuyo siya sa pag-adto sa ilang kapilya sa Barangay Cambaro, Siyudad sa Mandaue.

Kay gawas nga mas magka-bonding sa mga higala sa ilang barangay, tinguha usab niya ang makat-on sa mga basic nga pangadyeon, sama sa pag-rosaryo, Apostle’s Creed, ug mga sugo sa Dios, pinaagi sa katekismo nga gihatag usab sa mga batan-on.

Ug alang usab sa 25 anyos nga dalaga, nga si Precious, nga bisan kon nagpangita pa siya karon og trabaho, apan mas gipili una niya ang motabang sa paghatag og katekismo.

Ikaduha ka tuig na niya kini nga motudlo.

Miyerkules sa buntag lang, Mayo 29, gitapos na nila ang ilang usa ka buwan nga catechism, pinaagi sa pagpatapok sa tanang mga bata nga nisalmot sa kalihukan nga gikan usab sa laing upat ka barangay nga nasakop ang National Shrine of St. Joseph.

Kini pinaagi sa gitawag nila nga Children’s Day, diin gipakita nila ang ilang mga talento sa sayaw, kanta, storytelling ug uban pa.

Alang sa mga bata, nga sa maong paagi usab, mabulukon na ang ilang bakasyon kay mas nahimong suod sila sa ubang bata sa ilang barangay.

Nakat-on usab sa mga pag-ampo ug sa pagtulun-an sa kahitas-an ug natabangan usab sila nga di na maulaw sa pagpakita sa ilang mga talent ug uban nga kon unsay kaya nila nga mahimo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph