Tanod gigapos; 6 sakyanan gisunog sa NPA

UNOM ka mga sakyanan ang gipangsunog sa gituohang grupo sa New People’s Army (NPA) sa Barangay Sto. Nino, lungsod sa Manolo Fortich, Bukidnon mga alas 11:30 Martes sa gabii, Mayo 28.

Kini gikumpirmar ni Col. Edgardo De Leon, ang 403rd Infantry Brigade commander sa 4th Infantry Division Philippine Army.

Giingong moabot sa usa ka gatos ka mga walhong grupo ang namatikdan sa mga residente sakay sa upat ka mga sakyanan.

Gidudahang tungod kay wala nay katagoan human ang mga sundalo naka immersed na sa mokabat 100 ka mga barangay sa lalawigan sa Bukidnon nangita og mabalhinan ang walhong grupo.

Matud ni De Leon nga nangarnap og mga sakyanan ang walhong grupo ug maoy gisakyan ug ngani nagtambay pa ang mga armado ug nangaon.

Pagdangat nila sa Barangay Sto. Nino sulod palm oil plantation sa lungsod sa Manolo giingong gibabagan kini sa barangay tanod ug tungod kay usa lamang kini hinungdan nga gigapos sa mga armado.

Giila ang tanod nga mao si Rami Milgo. Nakalingkawas kini human napaak niini ang hikot hinungdan nakabuhi.

Posible sab nga tungod kay wala nay kapaingnan ang walhong grupo ilang gisunog ra sab ang ilang gisakyan nga duha ka L300 van, usa ka elf, usa ka Hilux nga pick-up ug duha ka motorsiklo nalakip pa ang upat ka punoan sa palm oil ug dayon sibat.

Matud ni De Leon nga ila pa kining giimbestigar kon kinsay nanag-iya niining maong mga sakyanan nga damaged na gyud ug dili na mapuslan.

Dugang ni De Leon dili mahimong makapanulong sa mga police station ang mga armado tungod kay nakaalerto ang kapulisan ug kasundalohan karon panahona.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph