GIREHISTRO sa Azzela Properties ang ilang ikaduhang kadaugan pinaagi sa pagpukan sa Nest Skymon, 79-68, sa nagpadayon nga 2019 Mayor’s Cup Summer League 39-below nga gipahigayon sa Minglanilla Sports Complex niadtong Lunes sa gabii.
Sila si Digoy Villanueva ug Atanacio maoy migiya kadaugan nga sa samang higayon nakahatag sa unang kapildihan sa Nest Skymon sulod sa tulo ka duwa.
Si Atanacio mitali9 og 31 puntos samtang 11 puntos ang natampo ni Villanueva. Sa habig sa Nest Skymon, sila Dela Calzada nakapugnit og 30 puntos.
Samtang sa 21-under class, human sa upat ka sunodsunod nga kapildihan, nakapugnit na gyud sa ilang unang daog ang Ward 2 pinaagi sa pagbuntog sa Ward I, 79-75.
Si Carl Sellote mikabig og 21 puntos, RJ Quinio mipakli og 16 sa kadaugan
Sa 17-under, gilubong sa Cuanos Stars ang Pakigne 1, 73-45, alang sa ilang ikatulong daog batok sa usay pildi.
Nagkumboya sila si Ralp Warren Bastida ug Jhundave Canoneo sa Cuanos batok sa Pakigne 1 kinsa nasukarap sa 1-4 nga record. (JBM)