SA ILANG pagkahimong kampiyon sa National Basketball Association (NBA) Eastern Conference sa labing unang higayon, ang Toronto Raptors nagpahigayon og impromptu ug mubo nga parada sa miaging semana.
Ilaha man tuod gisaulog ang kasamtangang labing taas nilang naabot gikan sa ilang pagsulod sa NBA niadtong 1995 apan nasayod ang Raptors nga wala pa nahuman ang ilang trabaho.
Aduna pa’y usa ka lig-ong babag sa ilang agianan paingon sa hingpit mga kalampusan, ang back-to-back defending champion Golden State Warriors.
Sulod sa ilang balwarte, ang Raptors mosuway pag-ilog sa korona sa Warriors sugod ugma (RP time).
“We know that we accomplished some great things,” matod ni Raptors guard Danny Green. “But the job’s not done.”
Human sa kasadya nga nagsilbeng bunga sa gipahigayon nilang parada, mibalising dayon ang atensyon sa Raptors ug nagtutok na kini sa NBA Finals.
“Pretty much,” asoy sa usa sa labing sinaligan sa Raptors nga si Kyle Lowry. “It’s a big task at hand. We know we’ve got a good team, and we’ve got to be focused every single possession. They’re all going to be massive in this series.”
Kadaghanan sa mga magduduwa sa Raptors karon pa nakasulod sa finals hinungdan nga nagkinahanglan sila og dagkong adjustments.
Usa kini ka dakong hagit alang sa Raptors hilabi na kadaghanan sa ilang mga magduduwa karon pa nakataak sa NBA Finals.
Sa Eastern Conference finals series batok sa Milwaukee Bucks nga miabot og deciding Game 7, si Raptors coach Nick Nurse kumbensido nga milig-on ang dughan sa iyang gisakupan.
"We played great. Totally outplayed them. We played tough. We didn’t win the game but I thought we outplayed them almost all the way through. We just didn’t get the ball to bounce our way. We might have used a couple bounces a couple days earlier. But again, that just showed me our team was capable of kind of keeping their emotions in check.” (AP, ESL)