SUPERBALITA DAVAO

Editoryal: Investment schemes nahadlok na?

GISUGDAN na sa kapulisan sa Davao Region ang pagsubay sa mga nanggawas nga mga money investment schemes adlaw’ng Miyerkules, Mayo 29.

Usa sa mga nasampulan mao ang Jogle Innovative Marketing sa Roldan Village, Barangay Maa, Davao City diin nasuta nga nag-operate na kini luyo sa kamatuoran nga kulang ang ilang mga papeles alang sa legalidad.

“Wala pa silang license to operate. Hindi sila pwedeng mag-engage sa business activity. Pwede sila mag-open lang pero hindi sila pwedeng tumanggap ng mga clients na mag-iinvest ng pera kasi hindi pa sila licensed,” ingon ni Police Regional Office (PRO)-Davao director Police Brigadier General Marcelo Morales.

Si Morales uban sa kapulisan sa rehiyon ang mirumbo sa Jogle Innovative Marketing uban sa tumong nga mapatuman ang mandu ni Davao City Mayor Sara Duterte-Carpio nga walay si bisan usa nga maka-operate og money investment schemes sa dakbayan gawas lamang kung naay business permit.

Bisan og dunay napakita nga pipila ka mga papeles ang tagdumala sa Jogle Innovative Marketing, kulang gihapon kini suma sa kapulisan hinungdan nga napugos sila nga manira nalang.

“Unang pinakita nila is ‘yong letter galing sa Barangay Captain na sinasabing ide-deliberate pa ang application for barangay clearance and may mga applications din sila sa pagkuha ng business permit sa city at application sa DTI,” dugang ni Morales.

Dihang nahibal-an sa pipila ka mga investors nga nanira ang maong kompanya daghan ang midanga-danga og adto sa maong buhatan.

Sa maong hitabo, nagpasabot lamang nga dunay gayoy ngipon ang otoridad sa pagpatuman sa mandu.

Apan ang labing gihulat sa katawhan kanus-a masayran ang legalidad sa daghang mga money investment schemes sa Tagum City.

Unta morumbo sab ang PRO-Davao sa Tagum City, Davao del Norte gumikan sa maong lugar gagikan ang punoan diin asa maoy nakapatuo sa kadaghanan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph