SUPERBALITA DAVAO

Wala ka ‘pay out’ nadismaya

PERTENG pagkadismaya ni Annie Tapere, 53-anyos, ngadto sa usa ka money investment scheme nga mao ang Jogle Innovative Marketing human kini boluntaryo nga nanira Miyerkules, Mayo 29, sa ilang opisina sa Roldan Village, Barangay Maa, Davao City dihang nasuta nga kulang sila sa papeles sa pagrumbo sa kapulisan.

Giingon niini nga misugal gyud siya sa maong money investment scheme gumikan kini ang nag-trending ning mga panahona, tungod suma niya bisan asa nalang niya madunggan ang pulong nga, “pay in” ug “pay out”.

“Medyo nakulbaan uy, dili baya lalim mangita og kwarta,” sumala ni Tapere kinsa midanga-danga pa og adto sa buhatan sa Jogle dala ang plastik sa bugas ug dunay dalang gulayon kinsa nakasuot pa og apron.

Sumala ni Tapere nga nadani siya dihang mituklod na gyud sa iyang hunahuna ang desisyon luyo sa iyang pagpamaligya og karne sa palengke.

Gisaysay ni Tapere nga mi-invest siya og salapi sa kantidad nga P15,000 niadtong Lunes, diin giingong sud sa 45 ka adlaw, motubo kini sa ika-upat ka pilo.

“Nakuyawan, nadismaya, ang amoa lang mabalik lang ang among na-invest,” niya pa nga dunay pagkabalaka sa iyang dagway.

Una niini, mismong si Police Regional Office (PRO)-Davao director Police Brigadier General Marcelo Morales, ang nanguna sa pagrumbo sa buhatan sa Jogle human sa ilang nadawat nga impormasyon nga nag-operate kini bisan og walay igong papeles.

“Wala pa silang license to operate. Hindi sila pwedeng mag-engage sa business activity. Pwede sila mag open lang pero hindi sila pwedeng tumanggap ng mga clients na mag-iinvest ng pera kasi hindi pa sila licensed,” ingon ni Morales.

Sa pag-abot sa mga pulis, migula ang usa ka babaye kinsa nagpailang representante sa Jogle ug iyang gipakita ang ilang mga papeles, apan di kombinsido ang kapulisan sanglit kulang ang ilang mga dokumento.

“Unang pinakita nila is ‘yong letter galing sa Barangay Captain na sinasabing ide-deliberate pa ang application for barangay clearance and may mga applications din sila sa pagkuha ng business permit sa city at application sa DTI,” dugang ni Morales.

“Aware man gyud ta sa ing-ani nga scam or what, unfair sa amoa nga nag-legit kay kanunay ma-ingnan mi sa scam or what. In our registration since 2016, mag 2019 nata ron bisag isa ka tao, walay nagreklamo sa amoa. Sa side sa amo it’s so unfair,” ingon ni Janeth Garcia, ang giingong representative sa Jogle Innovative Marketing nga nahinabi sa mga tigbalita, kagahapon.

Gipasabot ni Garcia nga lahi ang sa ilaha, di suma pa kini parihas sa uban, ang ilaha mag-agad kuno sila kung pila ang mahalin nga produkto subay sa salapi nga gi-invest kanila sa ilang mga investors.

Dugang niini nga ang Jogle nalambigit sa manufacturing ug distributing products nga dunay giingong pagtugot sa Bureau of Food and Drug (BFAD).

“Nag opening mi gahapon tungod kay gi [avail] lang namo ang privilege, rights and legality na if ikaw mag put-up og business naay two months under observation while naga ayos sa documents. Mao pod to among gi-avail,” ingon ni Garcia.

Ning kasamtangan, luyo sa daw mga uhong nga bisan asa nalang nanurok nga mga money investment schemes, ang SEC nag-awhag sa katawhan nga mosumbog kanila sa mga problema nga ilang nasinati diin mamahimo silang mokontak sa Enforcement and Investor Protection Department sa telephone number (02)818-6337 ug (02)818-5324.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph