Doctor: Vape makadaut sa lawas

CEBU. Usa ka tawo nag-vape o mga electronic cigarette nga makabulhot og grabeng kabaga sa aso nga nasuta sa batid sa panglawas ug mga doktor nga makadaut gihapon sa panghawas bisan way nicotine sama sa ordinaryong sigarilyo. (SunStar File Photo)
CEBU. Usa ka tawo nag-vape o mga electronic cigarette nga makabulhot og grabeng kabaga sa aso nga nasuta sa batid sa panglawas ug mga doktor nga makadaut gihapon sa panghawas bisan way nicotine sama sa ordinaryong sigarilyo. (SunStar File Photo)

GIBUTYAG sa usa ka eksperto nga makadaot kining e-cigarette sa cardiovascular cells.

Si Dr. Juanito Zuasola Jr., Smoking Cessation Specialist sa Vicente Sotto Memorial Medical Center (VSMMC) nibutyag nga kining kemikal nga gigamit karon sa e-cigarette o mas naila nga vape, makadaot sa cells sa kasingkasing ug sa blood vessels.

Dugang niini nga bisan paman nga wala pa hingpit nga gi-endorso sa gobyerno nga makadaot kini apan nipahimangno na sila daan nga nagkadaghan na ang international research nga nagpamatuod nga makadaot kini.

Usa sa sakit nga pwedeng makuha niining magsige ang vape mao ang popcorn lung disease diin masamad ang agianan sa hangin niini ug magkagamay, maglisod usab og ginhawa ang anaa niini.

Wala pa’y tambal ang maong sakit. Tambag sa doktor nga likayan nalang kining vape nga gituohan sa kadaghanang smokers nga mas luwas sa tradisyonal nga sigarilyo.

Samtang aduna na unya’y clinic nga madaganan ang mga gustong moundang na sa ilang bisyo sa pagpanigarilyo.

Matod ni Zuasola nga buksan sa VSMMC ang ilang Tobacco Cessation Clinic karon umaabot nga Mayo 31.

Dugang niini nga naghatag kini og kahigayonan alang sa mga kusog manigarilyo nga magbag-o na.

Aduna’y gitanyag ang ilang clinic nga intensive counseling ug mo-reseta pod kini og tambal sama sa nicotine pastils.

Ang counseling gitanyag nga libre gawas lang sa tambal nga kinahanglan paliton sa mga pharmacy gawas sa tambalanan.

Bukas ang maong clinic matag Huwebes ug Biyernes human sa ilang launching isip dry run.

By appointment lang una pod ang pagpa-konsulta didto sa ilang buhatan sa VSMMC.

Sa dihang ma-enroll ang pasyente, gisiguro ni Zuasola nga tutokan gyud nila ang iyang progress ug pag-ayo sa pagpanigarilyo. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph