Arraignment sa Silawan murder suspect giuswag

GIUSWAG sa Hunyo 7 ang gikatakda untang arraignment ni Renato Llenes sa kasong murder nga iyang giatubang sa pagpatay sa dalagang si Christine Lee Silawan, Miyerkules, Mayo 29.

Kini human nga wa mopatim-aw ang abogado ni Llenes atol sa arraignment sa sala ni Judge Christine Muga-Abad sa Regional Trial Court (RTC) Branch 70.

Si Christine Lee linuog nga gipatay niadtong Marso 10 sa gabii sa sa Sitio Mahayahay, Brgy. Bankal, Dakbayan sa Lapu-Lapu.

Nunot sa maong kalamboan, si Llenes hatagan unta og abogado sa korte apan di gikan sa Public Attoryney’s Office (PAO).

Pasabot ni Fiscal Ruso Zaragosa sa Lapu-Lapu City Prosecutors Office nga mahimong conflict of interest kon ugaling taga PAO ang morepresentar ni Llenes sanglit sila ang nitabang sa kampo ni Silawan samtang gihikay pa ang kaso batok sa akusado.

Posibleng mohangyo ang korte sa Mactan Island Lawyer’s League nga maoy morepresentar sa iyang sunod arraignment. (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph