SECTIONS
Sunday, July 21, 2019
SUPERBALITA CEBU

Barrita: Political dynasties nigrabe sa Kongreso

Tipik sa Balaod

MAG-ipon sa bag-ong Kongreso ang mga magtiayon, mga amahan ug mga anak, mga managsuon ug mga ig-agaw. Ang 306 ka mga sakop sa Kongreso gilangkuban sa mga kapuso, mga kapamilya ug mga kapatid – mas grabeng political dynasties.

Sa lalawigan sa Isabela, si Ian Paul Dy, incumbent mayor sa Alicia, mopuli sa iyang amahan, si three-termer Rep. Napoleon Dy, sa tersero distrito. Si San Manuel Mayor Faustino Michael Dy, anak ni kanhi Gov. Faustino Dy Jr., kongresista sa fifth district. Si Faustino Dy V, anak ni incumbent Gov. Faustino Dy III, kongresista sa sixth district.

Sa Isabela gihapon, si kanhi Energy Regulatory Commission Chair Rodolfo Albano Jr., 85 anyos, mobalik sa Kongreso isip LPGMA party list representative. Ang iyang anak, si incumbent Vice Gov. Antonio Albano, kongresista sa first district, hulip sa iyang igsuon, Rodolfo Albano III, nga mapiling gobernador.

Sa Ilocos Norte, si Ria Fariñas mopuli sa iyang amahan, Rep. Rodolfo Fariñas Sr., sa first district. Ang iyang igsuon, Rudys Caesar Farinas I, representante sa Probinsyano Ako party list. Si Lira Fuster-Fariñas, asawa sa apo ni Rep. Rodolfo Sr., John Michael, second nominee sa maong pundok.

Sa Quezon province, si Gov. David Jay Suarez napiling kongresista sa second district. Ang iyang asawa, si Anna Marie Villaraza-Suarez, kongresista sa Alliance of Organizations, Networks and Associations of the Philippines party list. Si Rep. Danilo Suarez nidaog pagkagobernador ug pulihan sa iyang asawa, si Aleta, sa third district.

Si kanhi Foreign Secretary Alan Peter Cayetano napiling kongresista sa first district sa Taguig City. Ang iyang asawa, si three-term Taguig Mayor Maria Laarni, nidaog nga kongresista sa second district.

Sa Agusan del Norte, si Gov. Maria Angelica Rosedell Amante-Matba, nidaog isip kongresista sa second district. Ang iyang bana, si Tawi-Tawi Gov. Rashidin Matba, napili nga kongresista sa first district sa Tawi-Tawi. Sa Leyte, si Francis Martin Romualdez nidaog isip kongresista sa first district hulip sa iyang asawa, si Yedda Marie, nga magpabilin sa Kongreso isip repretentate sa Tingog Sinirangan party list.

Sa Lanao del Norte, si Rep. Abdullah Dimaporo nasublian sa second district, samtang ang iyang anak, si Rep. Mohammad Khalid Dimaporo, nasublian sa first district. Duha ka mga igsuon ni Sen. Manny Pacquiao mag-ipon sa Kongreso. Si Sarangani Rep. Ruel Pacquiao na-reelected samtang si General Santos City Councilor Bobby Pacquiao nahimong kongresista sa OFW Family party list.

Sa Sulu, si Mayor Samier Tan sa Maimbung, napiling kongresista sa first district. Ang iyang igsuon, si Shernee Abubakar Tan, kongresista sa Kusug Tausug party list. Sa Iloilo, si kanhi Health Secretary Janette Garin napiling kongresista sa first district, hulip sa iyang bana, si Rep. Oscar Garin Jr. kansang igsuon, si Sharon, nahimong kongresista sa Ang Asosasyon Sang Mangunguma Nga Bisaya party list. (edbarrita@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph