4 ka mga wanted person dakpan

SUNOD-SUNOD ang implementasyon sa nagkadaiyang police station sa pagpangdakop batok sa mga wanted person sa Misamis Oriental.

Unang operasyon gihimo sa Gingoog City Police Station nga miresulta sa pagkasikop ni Joseph Maravilla, 29, taga Barangay Talon, sa susamang siyudad.

Si Maravilla nag atubang og kasong child abuse ug adunay girekomendar nga piyansa ang korte nga P80,000.

Nasikop sab sa Jasaan Police Station si Rolando Maximiano, 35, minyo, taga Lower Jasaan, sa susamang lungsod.

Ang dinakpan nag-atubang og kasupakan ss Republic Act (RA) 7610 nga nailang Special Protection Against Child Abuse, Exploitation and Discrimination Act ug dunay girekomendar nga piyansa nga P200,000.

Usa ka Willy Samporna, 33, minyo, taga Mandoanga, lungsod sa Balingasag, ang nadakpan sa kapolisan sa Balingasag Police Station human kini nag-atubang og kasong kasupakan sa RA 9262 kon Violence against Women and Children.

Ang korte dunay girekomendar nga piyansa nga P120,000.

Samtang gisikop sab sa operatiba sa Balingasag kuyog ang Criminal Investigation and Detection Group Northern Mindanao ang usa ka Christian Ayunar, 21, ulitawo, wanted person sa kasong frustrated murder.

Adunay girekomendar nga piyansa ang korte nga mobalor og P200,000.

Ang mga dinakpan pulos detinado karon sa tagsa-tagsa ka police station.

Si Police Colonel Rolando Destura, kinsa provincial director sa Misamis Oriental Provincial Police Office, nakadayeg sa iyang mga sakop sa sunod-sunod nga pagpangdakop sa mga wanted person ug malaumong ipadayon ang programang anti-criminality campaign.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph