ANG Rovers Football Club (FC) sa Davao City milabni duha ka titulo sa pagtapos sa 6th Ceres Cup 2019 Football Tournament sa Bacolod City.
Ang Rovers FC mipildi sa Giuseppe sa Cebu City, 7-0, sa 11-under championship match inubanan sa makabilib nga tira sa most valuable player (MVP) Rafael Rabelo nga mihimo og lima ka goal.
Ang teammates niyang sila Nicholas Hao ug Fritz Nevaeh Gerong midugang og tag-usa ka goal.
Ang tim gilangkuban nila Liam Marcus Te, Ralf Niklas Andersson, Ethan Jhaeby Olmilla, Marcuzz Ethan Labio, Fritz Nevaeh Gerong, Jamez Lee Sequina,
Gianne Carlo Abara, ug Austin Louis Dilodilo.
Anaa sa 50 ka tims ang mitigi sa torneyo.
Samtang ang Rovers FC Davao mipukan sab sa Talisay FC, 5-0, sa 12-under titular clash.
Si Kian Terrence B. Niu ang giilang MVP sa iyang kategoriya.
Sila Liam Gregory Martin, Ervin Clyve Tajon, Isaiah Leigh Milloren, Neil Imperial, Hao, Rabelo, Andersson, Abara, Olmilla, Dilodilo, Labio ug Gerong maoy naglangkub sa under-12 squad.