TUNGOD sa aktibong liderato ni Abraham “Baham” Mitra isip chairman sa Games and Amusements Board (GAB), gilakip siya ni World Boxing Council (WBC) president Mauricio Sulaiman isip sakop sa WBC Ranking Committee.
Ang paghatag og laing tahas o responsabilidad sa kanhi Palawan Governor ug Congresman maoy nakab-ot nga kalamboan atol sa bag-o lang gipahigayon nga WBC Board of Governors Meeting ug North American Boxing Convention didto sa Honolulu, Hawaii.
“I’m very happy with this appointment by the WBC. Hindi lang personal na karangalan ito para sa akin, kundi malaking karangalan din para sa ating bansa,” pamahayag ni Mitra ngadto sa mga sakop sa Tabloids Organization in Philippine Sports (TOPS) didto sa Kaulohan.
“While I fully understand the tremendous responsibility being given to me as a member of the WBC ratings committee, I welcome it as a new challenge to me,” dugang ni Mitra. “Ito ay isang pagkilala din ng WBC sa kakayahan nating mga Pilipino na mamumuno hindi lang dito sa atin kundi sa world boxing.”
Usa ka tuig human mipahigayon og kausaban sa buhatan sa GAB, ubos sa liderato ni Mitra nalibre na ang medical examination alang sa mga boxers, ug napasidunggan usab ang GAB isip Commisison of the Year atol sa WBC Convention niadtong 2017.
Niini, si Mitra maoy misunod sa papel nila ni kanhi GAB Chairman Justinano Montano, Jr. ug Atty. Rodrigo Salud kinsa nahimong WBC president ug secretary-general. (JBM)