DEAR Papa Joe,
Good morning! Ako diay si Ann, taga Minglanilla, 20 years old.
Naa koy problem, Papa Joe. Magpatambag unta ko. Naglibog na gyud ko sa akong kinabuhi. Hopeless kaayo ko. Ganahan ko moeskwela pero wala man puy mogasto nako. Unya daghan kog trabaho nga naagian nga months ra pud ang akong experience kay pul-anon kaayo ko. Naglibog na ko og asa ko kay gikapoy na ko sa akong life kay broken ang akong family.
Wala na ko makasabot aning akong life, Papa Joe. Nakasuway kog working sa una, kapoy pud kaayo kay sa balay man ko. Tulo ka mga bata ang akong giatiman unya all around ko. Then 1st sem ra pud ko taman kay dli nako makaya, kapoy kaayo, walay pahuway. Palihug tambagi ko kon unsa ang akong angay buhaton. Motawag unta ko pero maulaw lang ko. Daghang salamat
ANN
Ann,
Kumusta. Day, wala may sayon ning kalibutana, naa ang kalisud. Kon ang mga hayahay tan-awon ug kuhaan nimo og basehanan, dili tanan maayo og sinugdanan. Naay mga datu diha niagi gyud og kalisod una naabot nila ang kaharuhay sa kwarta. Bisan datu na na sila ron sa inyong panan-aw puno lang gihapon na og problema.
Di man sa ingon nga matagak ra nang grasya diha ug okay na. Paninguhaon gyud na nimo. Maningkamot gyud ta para mo-survive ning kalibutana uban sa pag-ampo nga pun-on ta sa kadasig nga makigbatok sa kalisud.
Bata pa ka, daghan pa kang maabot ning kalibutana kon gustohon nimo. Pero kon gusto ka og dali, naa may pamaagi pero timan-i way ayo ang kwarta sa hangin. Ayaw lang og surrender kay kon imo nang buhaton, way laing ma blame ana kon di ikaw ra. Timan-i, ikaw ang nagdala sa timon sa imong life.
PAPA JOE
(sa inyong tampo ipadala lang sa papajoesuperb@gmail.com)