BUOT ba nimong bisitahon ang Morocco, North Africa apan dili pa igo ang imong budget?
Dili maguol kay bisan nga dia ra ka sa Sugbo, mamahimong ma-feel na nimo ang Morocco.
Ang Maayo Argao usa ka resort nga Moroccan inspired lakip na ang interior design.
Nahimong inila ang Maayo Hotel Argao sa ilang unique architecture ug location nga nahimutang sa habagatang bahin sa lalawigan sa Sugbo, nga mao ang lungsod sa Argao.
Nahimutang ang maong resort sa Barangay Suba, Poblacion, Argao nga duha ngadto sa tulo ka oras nga biyahe gikan sa syudad sa Sugbo.
Travelers’ Haven
Si Elvira “Bing” Torre, brand communications manager sa Maayo Hotels Corporation, nagkanayon nga perfect nga kapahulayan ang ilang resort sa mga turista o mga lokal nga gikan sa ilang pilgrimage sa Simala o plano nga mosuroy sa ubang lungsod sa habagatang Sugbo.
Gitawag ang Maayo Argao nga “Travelers’ Haven of the South,” ug ang pinaka-Instagrammable nga dapit sa maong lungsod.
Presko nga hangin ug maabi-abihon nga staff ang mosugat kanimo sa pagsulod pa lang sa maong resort.
Di pud angay kalimtan ang pagtilaw sa ilang lami nga ube torta nga mao ang delicacy sa Argao nga paresan og sikwate sa Asul Cafe.
Karong summer, angay nga bisitahon sa mag-barkada o pamilya ang resort kay kini duna usay 200 sqm. nga infinity pool diin mamahimo ninyong ma-enjoy.
Usa sa mga kahinaman mao ang mga Moroccan-inspired nga terrace ug torre nga nag-atubang sa dagat diin sigurado gyud magtagbaw sa iyang kuha nga selfies ug groufies.
Day Use Rate
Affordable sab ang ilang rate nga P400 day-use promo gikan 9 a.m. - 5 p.m nga dunay P100 consumable apil na ang pagkaligo sa ilang outdoor pool facilities.
Room Rates
Duna sad silay airconditioned bedrooms nga kompleto sa cable television ug hot and cold showers kon ganahan mo nga ma-relax.
Ang standard rooms mokantidad sa P4,000, ang family rooms sa tag-P9,000, adunay 3-bedroom villas tag P11,000, ang 4-bedroom naa sa P14,000 ug and deluxe suite mobalor og P19,000. Naa sab silay mga function rooms alang niadtong adunay events sama sa kasal o birthday party.
Unsaon pag-adto
Sa kadtong buot mosuway o sa mga naghinam-hinam sa pagsuroy nga maggikan sa Cebu City ilabi na kadtong way kaugalingon sakyanan mahimong mosakay og bus gikan sa South Bus Terminal nga mobiyahe paingon sa Argao.
Pag-abot sa Poblacion kanaog sa Petron gasoline station diin adunay mga traysikol nga pwedeng i-hire nga paingon na sa resort.
Sa maong paagi makalingkawas ka sa kainit ug kaabog sa siyudad busa ayaw sipyata sa pagbisita sa Maayo Argao.