SECTIONS
Wednesday, August 21, 2019
SUPERBALITA CEBU

GSIS maka-insure sa mga tanod, brgy. workers

GIKOMPIRMAR sa usa ka opisyal sa Government Service Insurance System nga nagtanyag gihapon ang buhatan og accident insurance sa mga barangay workers sa mas barato nga premium sa matag tuig.

Si Mitos Galicinao, frontline services officer sa GSIS Cebu branch, namahayag nga ubos sa Republic Act 656 kun Property Insurance Law, mahimo sila maka-cover og non-life insurance package nga optional alang sa mga barangay tanod, barangay health workers ug nutrition scholars.

Gani, dihang si Kongresista Gwendolyn Garcia pa ang gobernador sa lalawigan sa Sugbo sugod niadtong 2004, gipa-cover niini sa insurance ang maong mga trabahante sa kabarangayan.

Sigon ni Galicinao sa barato nga premium nga P24 matag tawo sa matag tuig, ang coverage sa una kay P20,000 kon mamatay gumikan sa aksidente, P2,000 ang medical refund ug P10,000 ang burial assistance.

Sa kasamtangan nga coverage ug premium rates sa GSIS alang sa mga opisyal sa mga barangay, tanods ug ubanga barangay workers kon P24 ang total basic premium, P30,000 ang madawat kon mamatay tungod sa aksidente, P3,000 ang medical reimbursement ug P10,000 ang burial assistance.

Sumala ni Galicinao bisan kon di gyud makonsiderar nga mga empleyado sa gobiyerno ang mga barangay workers sama sa tanod, apan duna silay insurance coverage alang sa maong grupo nga gitawag nila og group personal accident insurance.

“So, depende na sa head of office or head of agency if they have savings ana for that purpose nga makakuha, pwede gyud siya sa GSIS,” pasabot ni Galicinao dihang nahinabi sa Superbalita Cebu niadtong Biyernes, Mayo 31.

Sukwahi kini sa gisulti ni outgoing Cebu Gobernador Hilario Davide III nga dili sila maka-avail sa insurance services sa GSIS gumikan kay dili regular nga mga kawani sa kagamhanan ang mga barangay worker, hinungdan nga ang Fortune Life Insurance Company Inc. ang gikuha nga insurance company. Ang mga tanod ug ubang barangay workers kay mga volunteer.

Si Davide, kinsa niangkon nga napirmahan na ang notice of award alang sa Flici, niklaro nga niagi og bidding sa Bids and Awards Committee sa kagamhanan sa lalawigan sa Sugbo ang pagkuha sa maong insurance company ug duna usab kini pagtugot gikan sa Cebu Provincial Board.

“Gi-bid man na, wala man na gikuha lang kay (kaila), gi-bidding kana oi,” pagtataw sa umaabot nga bise gobernador sa Sugbo, kinsa nidugang nga barato ra ang premium sa Flici.

Niadtong Abril 15, 2019, giaprobahan sa PB ang resolusyon nga gipanday ni Bokal Jose Mari Salvador, nga maghatag og pagtugot ni Davide nga mosud ug molagda og kontrata tali sa Flici alang sa provision sa life ug accident insurance sa 27,300 ka community volunteer worker.

Ubos sa maong coverage, ang barangay frontliners makadawat og P25,000 in kaso kon mamatay ug P2,500 kon maaksidente.

Matod ni Davide, kon dunay mga kwestyon si Garcia sa pagkuha sa Kapitolyo sa Flici alang sa 27,300 ka barangay workers mahimo niini i-review ang provision inig asumir niya sa pwesto sa Kapitolyo.

“Kon gusto gyud nila reviewhon na di ig lingkod na nila,” pahayag ni Davide.

Ang Flici ang Lowest Calculated and Responsive Bid (LCRB) alang sa provision sa life ug accident insurance sa 27,300 ka community volunteer workers sa Sugbo. Apil niini ang barangay tanods, health workers ug nutrition scholars.

Upat ka bidders ang interesado sa bidding alang sa maong katuyoan, usa niini ang Flici.

Atol sa opening of bids niadtong Enero 4, 2019, sila nisumitir sa ilang eligibility, technical ug financial documents diin ang tanang bidders kay failed.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph