SI MIKE Aquiatan mipaligid og 608 pins human ang tulo ka duwa aron modaug sa Datba weekly singles tournament sa SM Lanang Premier Bowling Center Martes sa gabii.
Si Aquiatan, mipauli uban ang premyong P1,000 gikan sa organizer, ang Davao Tenpin Bowlers Association (Datba).
Gipildi niya ang optometrist Virgilio “Billy” Magdale, nga miigo og 598 pins ug Robin Tamondong (22) nga miiskor og 575.
Si Magdale nga miangkon sa titulo sa nakalabay nga duha ka semana, nabutang sa ikaduhang pwesto samtang si Tamondong ang ikatulo.
Anaa sa 21 ka magduduwa ang misalmot sa torneyo nga nagsilbing qualifying sa monthly finals.