Durant dili pa gihapon makabalik

DILI gihapon makaduwa si Kevin Durant alang sa Golden State Warriors sa Game 2 sa National Basketball Association (NBA) Finals nga ipahigayon ugma (RP time) sa balwarte gihapon sa Toronto Raptors.

“Kevin’s not going to play Sunday,” matod ni Warriors coach Steve Kerr. “I guess we’ve been holding out hope, but might as well say it now. ... It’s near-impossible for him to play on Sunday.”

Giklaro ni Kerr nga dili niya gustong dalidalion ang pagbalik ni Durant ug gusto niyang maseguro nga hingpit na ang pagkaalim sa angol sa tiil niini una niya kini tugtan nga makaduwa’g balik.

Naangkon ni Durant ang iyang angol sa Game 5 sa Western Conference finals diin gipalagpot sa Warriors ang Rockets.

“The thinking is when he’s ready to play, he’ll play,” dugang ni Kerr. “He’s still progressing.”

Sa laing bahin, gilaumang makaduwa ra sa Game 2 ang laing sinaligan sa Warriors nga si Andre Iguodala.

Sa hinapos nga bahin sa Game 1, adunay higayon nga nagtikaang si Iguodala nga naggunit sa iyang wa nga batiis.

Hinuon basi sa resulta sa MRI, dili ra grabe ang nasinati ni Iguodala niadtong higayuna.

“He seems to be doing well... I talked to him and he said he felt pretty good,” matod ni Kerr.

Sa laing bahin, pabiling kalmado ang Warriors taliwala sa ilang talagsaong kapildihan nga naangkon sa Game 1 sa NBA Finals.

Daghan na sab nga mga pagsuway ug problema nga nasugakod ang Warriors ug kining maong mga kasinatian gilaumang makatabang kanila.

“The experience helps,” dugang ni Kerr. “Winning multiple championships helps because you have seen it all. There’s also just the knowledge that you’ve been here before. You’ve been down. We have been up 3-1 and lost a series. We have been down 3-1 and won a series. Everything in between. So nothing is going to catch these guys off-guard.”

Ang Warriors masaligon lang gihapon nga molampos sila pagdaog ning maong series aron makig-uban sa pipila lang ka teams nga nakakompleto og Three-peat.

“No matter what, our sights were coming in that it’s a long series,” asoy sa usa sa labing sinaligan sa Warriors nga si Stephen Curry. “And Game Two is an opportunity for us to right the wrongs and get a big win and go back home.”

Kon makabawos ang Warriors sa Game 2, seguradong mobalit-ad ang momentum sa series gumikan kay gawas nga motapon sa ilang korte ang kombati alang sa Game 3, posibleng makabalik na sab og duwa si Durant ning higayuna. (AP, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph