MGA duwa karon
4:30 pm- Blackwater batok Rain or Shine
6:45 pm- Phoenix batok Talk N’ Text
Human nabaraw ang sunodsunod nilang kadaugan, ang Blackwater Elite mobawi og suway sa ilang pagpakigbatok sa Rain or Shine Elasto Painters sa premirong duwa karong hapon sa Philippine Basketball Association (PBA) Commissioner’s Cup sa Ynares Center sa Antipolo City.
Ang Elite nasubhan og tulo ka sunodsunod nga kadaugan apan sa labing ulahi nilang duwa, nasugamak sila sa masakit nga kapildihan batok sa Phoenix Pulse Fuel Masters, 98-103.
Sa ilang bahin, ang Elasto Painters gikan sab sa kapildihan batok sa Meralco Bolts, 84-91, nga maoy labing una nilang tahas sa komperensya.
“We will just look at the positives,” matod ni Blackwater coach Aris Dimaunahan, kinsa nagtumbok sa ilang pagsuway og bangon gikan sa 19 nga puntos nga pagkalubong sa 4th quarter sa ilang duwa batok ua Fuek masters.
Sa paningkamot sa Elite, ilang napahak ang labaw sa Fuel Masters.
“Sobrang saya ko nu’ng nakita ko after. It shows a lot of character of the team,” dugang ni Dimaunahan.
“They fought back from 19 down. They stuck together and played the hardest. I was watching sa isang room, I thought we will pull it through.”
Sa laing bahin, ang Fuel Masters mosuway pagposte sa ikaduha nilang sunodsunod nga kadaugan sa ilang pagpakigsangka sa Talk N’ Text KaTropa. (ESL)