SILANG Heart Ramos, Miguel Vergara, Krystal Mejes ug Sophia Reola ang mga bata sa teleseryeng “Nang Ngumiti ang Langit”.
Sila ang mga mopakatawa, mopalagot, mopangisi ug mukusi sa imong kasingkasing hangtud nga imo na lang mamatikdan nga mitulo na diay ang imong luha.
Si Miguel Vergara ang dili makalimtang batang actor nga nidala nga anak ni Angel Locsin ug Dingdong Dantes sa pelikulang “One More Try.” Grabe motulo ang luha niya dinhi sa serye ug naghatag sab siya og comic relief.
Si Heart Ramos nga nasundan nato sa teleserye niadto kauban si Connie Reyes, Zanjoe Marudo ug Bela Padilla dili sab paiwit sa aktingan.
Bilib sab ko ni Krystal Mejes kay kon unsa nato siya gipangga ug gikaloy-an sa serye niadto isip buotang anak ni Julia Montes, karon sa “Nang Ngumiti ang Langit” imo gyud siyang kalagotan isip kontrabida.
Ang dakong rebelasyon dinhi mao ang batang bida nga si Sophia Reola isip si Mikmik, dili sab palupig ang bata kon talento sa aktingan ang hisgutan.
Mahigugma ug mabihag ka sa kabuotan sa iyang nawong ug ang luha maorag gripo kining moagas sa iyang mga mata. Mi-angay ug bagay gyud niya ang papel nga “Mikmik.”
Dako ug layo ang maabtan kining bataa sa kalibotan sa showbiz, ug mao sab kini ang mga pulong nilang Pilar Pilapil, Dante Rivero, Cristine Reyes, Matet de Leon, Kempee de Leon ug uban pang kauban niya dinhi.
Makompleto na kaha ang pamilya ni Mikmik? Mahibaw-an na kaha niya kon kinsay iyang tinood nga amahan? ay’g saba!
Gipakita na ang hamubong trailer sa bag-ong pelikula ni Nadine Lustre ug Sam Concepcion, sa atong nasaksihan daw dance drama ang tema niini. Puno sa mga sayawan ang pelikulang “Indak” nga hatud kanato sa Viva films.
Dunay mga nangutana kon susama ba kini sa pelikulang “Step up.” Matubag ni tanan kon masalida na sa mga sinehan ang “Indak” nilang Nadine Lustre ug Sam Concepcion, ay’g saba!