TALACOGON, Agusan del Sur – Ngilngig ang kamatayon sa usa ka miyembro sa Citizen Armed Force Geographical Unit (Cafgu) nga brutal nga gipatay sa gitouhang sakop sa Mew People's Army (NPA) sa bukiron nga bahin sa Barangay Lydia, La Paz, Agusan del Sur.
Ang Cafgu Active Auxiliary giilang si Felipe Amado, 42, ug usa ka Manobo residente sa dapit.
Off duty ang biktima atong tungora aron unta nga mopartisipar Brigada Eskwela, sakay kini kuyog ang higala sa motorsiklo aron manguha og nipa alang sa atop sa tunghaan dihang gibabagan sa walhong grupo.
Kauban niya si Alyas Dindo nga miasoy sa mga panghitabo.
“Pag-menor namo sa tulay, kalit ra nitunga ang lima ka armadong NPA, gitutukan mi ug AK47, M16 ug M14, sabay singgit nga “Walay maglihok, si Iping ra ang tuyo!” Mao tong nakadagan si Iping human ilang gi-istraping. Naigo siya sa tiil, giduolan dayun, human gipabuthan pa siya ug duha ka beses sa iyang hawak ug ilok pagtiwas. Gigapos mi nakadapa. Giluba pa gyud nila si Iping sa gilid sa tiyan human gibalian ug liog. Gipanitan pa jud iyang bukton,” pagsaysay ni Dindo.
Ang kasundalohan hugot nga nikondinar niining niloug nga pagpatay.
“We strongly condemn this brutal acts of the NPAs. This treacherous act is a very clear violation of International Humanitarian Law. This only proved that these communists NPAs are truly evil-minded terrorist criminals whose intents are only to sow terror and kill helpless innocent civilians!” matud ni Lieutenant Colonel Romeo C. Jimenea, kinsa commanding officer sa 26th Infantry Battalion.